ඔබට සුභ වෙසක් මංගල්‍යයක් වේවා!
ශ්‍රී ජයවර්ධනපුර විශ්වවිද්‍යාලයීය ප්‍රජාව වෙතිනි.
ඉදුරන් තව තවා වුණු තැන් වල නතර
කදුළෙහි පවා තෙතමනයක් නැති අතර
බුදු හාමුදුරුවනි, මම මේ වැලි කතර
නුදුටිමි අමා මහා නදියක් ඔබ විතර
– එච්. ඇම්. කුඩලිගම.
තැබූ තැබූ හැම පියවරක් අග – පියුම් සුපිපුණ බවක් නොම දනිමි
මුත් සෑම පියවරම එසැවුණේ – හුදී ජන සිත් සුපිපි පියුම් කරනා පිණිස බව දනිමි.
-වර්ෂා
සිතුවිලි පරපුරක පදනම අමුතු කොට
මිනිසා තබා නිවහල් ජය කුළුණ පිට
මුළු ලොව පින් තොටක් කල ඔහු ඉදිරිපිට
ඔබගේ සිහිල් සෙවණින් යා නොහැක මට
එච්. ඇම්. කුඩලිගම.
සිතුවිලි පරපුරක පදනම අමුතු කරන ශ්‍රී ජයවර්ධනපුර විශ්වවිද්‍යාලයීය ප්‍රජාව වෙතිනි.
තෙමා කරුණා අමා ජලයෙන් – මෙමා හද ලෝකය කලේ
සමාදී ඔබ නුවන් කැල්මයි – අනන්තයටම එය ඇලේ
– විමලරත්න කුමාරගම
කිරුළු ලා හුන් රජවරුන් පෙර – අමතකව යන විට මෙසේ
“කිරුළ අතහළ රජුන් ” සිහිවී – හද වෙලෙයි සදහම් රසේ
සදා සුන්දර ගීතයක් වී – ඔබේ හඩ යුගයුග ඇසේ
බුදු පියාණෙනි ඔබේ මග හැර – අන් මගක අදෙමුද කෙසේ
– සචර
වෙසගෙහි තරිඳු නුබ මඩලෙහි -නැගෙන සදේ
දම් සිදු ගැඹර අපමණ රැළි – සරැළි බිදේ
සුදු මුදු බැති කුසුම් දහසින් – පුදා හදේ
පතනෙමු සුබ වෙසක් තෙමි තෙමි දහම් පොදේ
– වර්ෂා
ඔබට සුභ වෙසක් මංගල්‍යයක් වේවා! ශ්‍රී ජයවර්ධනපුර විශ්වවිද්‍යාලයීය ප්‍රජාව වෙතිනි.
