40th Convocation of the University of Sri Jayewardenepura will be held on 24th & 25th September 2014 at the Bandaranayake Memorial International Conference Hall for the conferment of degrees
ශ්‍රී ජයවර්ධනපුර විශ්වවිද්‍යාලයේ 40 වන උපාධි ප්‍රදානෝත්සවය 2014 සැප්තැම්බර් මස 24 සහ 25 යන දිනයන්හි බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පවත්වනු ලැබේ.
02. මතු දැක්වෙන උපාධිලාභීහු එකී උපාධි ප්‍රදානෝත්සවයේදී උපාධි පිරිනැමීමට සුදුස්සෝ වෙති.
(අ) අධ්‍යයන වර්ෂයට අදාළව 2013 සහ 2014 වර්ෂවල දී ශ්‍රී ජයවර්ධනපුර විශ්වවිද්‍යාලය මගින් පවත්වන ලද අභ්‍යන්තර අවසාන පරීක්ෂණයන්ගෙන් (ප්‍රථම උපාධි / පශ්චාද් උපාධි ඩිප්ලෝමා / පශ්චාද් උපාධි) සමත් උපාධිලාභීන්
(ආ) 2013 ජූලි මස 11 සහ 12 දෙදින පැවැත්වූ මෙම විශ්වවිද්‍යාලයේ උපාධි ප්‍රදානෝත්සවයෙන් පසුව නිකුත් කරන ලද ප්‍රතිඑල අනුව අභ්‍යන්තර අවසාන පරීක්ෂණයන්ගෙන් (ප්‍රථම උපාධි) සමත් උපාධිලාභීන්
03 උපාධි ප්‍රදානෝත්සවය සඳහා ඉල්ලුම් කිරීම
යථෝක්ත උපාධිලාභීන් උපාධි ප්‍රදානෝත්සවය සඳහා අයදුම් කළ යුතු අතර අවශ්‍ය අයදුම්පත මෙම විශ්වවිද්‍යාලයේ විභාග අංශය වෙත පැමිණ ලබා ගත යුතුය.
04. ගාස්තු ගෙවීම
පහත සඳහන් උපාධි සඳහා අදාළ ගාස්තු ගෙවා ලබාගත් කුවිතාන්සිය අයදුම්පත සමග ඉදිරිපත් කළ යුතු වේ.
(අ) ප්‍රථම උපාධි (BA, BSc, MBBS) රු. 1500.00
(ආ) ප්‍රථම උපාධි (BA, BSc, MBBS) (අනභිමුඛව) රු. 1500.00
(ඇ) පශ්චාද් උපාධි/පශ්චාද් උපාධි ඩිප්ලෝමා රු. 3000.00
(ඈ) පශ්චාද් උපාධි/පශ්චාද් උපාධි ඩිප්ලෝමා (අනභිමුඛව) රු. 3000.00
05. ගෙවීම් කළ යුතු බැංකු ශාඛා
මහජන බැංකුවේ ගංගොඩවිල ශාඛාවේ, ශ්‍රී ජයවර්ධනපුර විශ්වවිද්‍යාලයේ අංක 097-1001-6-2315454 දරණ ජංගම ගිණුමට බැරවීම පිණිස මහජන බැංකුවේ ඕනෑම ශාඛාවකින් මෙම ගාස්තු ගෙවීය හැකිය.
06. සම්පූර්ණ කරන ලද අයදුම්පත් භාරදීම
නිසි පරිදි සම්පූර්ණ කරන ලද අයදුම්පත් 2014 අගෝස්තු මස 16 වන දින හෝ ඊට පෙර පහත අදාළ නිලධාරීන් වෙත ඔබේ නම හා ලිපිනය ලියූ රුපියල් 25/- බැගින් මුද්දර ඇලවූ (සෙ.මී.23 x 10) ප්‍රමාණයේ කවර දෙකක් සමඟ පැමිණ භාර දිය යුතුය. නියමිත දිනට පසුව ලැබෙන අයදුම් පත් ප්‍රතික්ෂේප කරනු ලැබේ.
(අ) පශ්චාද් උපාධි/පශ්චාද් උපාධි ඩිප්ලෝමා සිසුන්
නියෝජ්‍ය ලේඛකාධිකාරී්
පශ්චාද් උපාධි අධ්‍යයන පීඨය
ශ්‍රී ජයවර්ධනපුර විශ්වවිද්‍යාලය
නුගේගොඩ.
(ආ) වෛද්‍ය විද්‍යා ප්‍රථම උපාධි සිසුන්
ජ්‍යෙෂ්ඨ සහකාර ලේඛකාධිකාරී
වෛද්‍ය විද්‍යා පීඨය
ශ්‍රී ජයවර්ධනපුර විශ්වවිද්‍යාලය
නුගේගොඩ.
(ඇ) අනෙකුත් පීඨයන්හි ප්‍රථම උපාධි සිසුන්
ජ්‍යෙෂ්ඨ සහකාර ලේඛකාධිකාරී/විභාග
ශ්‍රී ජයවර්ධනපුර විශ්වවිද්‍යාලය
නුගේගොඩ.
ලේඛකාධිකාරී.
ශ්‍රී ජයවර්ධනපුර විශ්වවිද්‍යාලය.
2014 අගෝස්තු මස 07 වන දින
