HD Duo නම් වූ ඕස්ට්‍රේලියානු සංගීතඥයන් දෙදෙනෙකු වූ ආචාර්ය මයිකල් ඩියුක් සහ ඩේවිඩ් හොවී යන සැක්සෆෝන් හා පියානෝ වාදකයන් දෙදෙනා විසින් ආරම්භකරන ලද පොදුරාජ්‍ය මණ්ඩලීය සංගීත ව්‍යාපෘතිය සඳහා රටවල් 53 කින් ප්‍රමුඛ සංගීතඥයන්ගේ නිරමාණ එක රස කිරීමක් හා පටිගත කිරීමක්, සිඩ්නි විශ්වවිද්‍යාලය සහ ඕස්ට්‍රේලියාවේ එලිසබෙත් තියටර් පදනමේ අනුග්‍රහයෙන් මේ දිනවල සිදුවේ. ශ්‍රී ලංකාවෙන් මෙම ව්‍යාපෘතිය සඳහා තෝරාගනු ලබා ඇත්තේ ශ්‍රී ජයවර්ධනපුර විශ්වවිද්‍යාලයේ මහාචාර්ය ප්‍රදීප් රත්නායකයන් ය. තම සංගීතය ඒ ඒ රටවල්වල වයිම හා සිසුන් සඳහා වැඩමුළු පැවැත්වීම ද මෙම ව්‍යාපෘතියේ අංගයකි. ඔස්ට්‍රේලියාව, කැනඩාව, මහාබ්‍රිතාන්‍ය, මෝල්ටාව, සයිප්‍රසය හා ශ්‍රී ලංකාව මෙම සංචාරයේ ප්‍රථම අදියරට ඇතුළත්ය. මේ අනුව ලංකාවේ ප්‍රසංගය පැවැත්වුයේ 2018 මැයි 10 වැනි බ්‍රහස්පතින්දා ශ්‍රී ජයවර්ධනපුර විශ්වවිද්‍යාලයේ ව්‍යවහාර විද්‍යාපිඨ ශ්‍රවනාගාරයේ ය. මෙහිදී ආචාර්ය මයිකල් ඩියුක් සහ ඩේවිඩ් හොවී සමඟ ශ්‍රී ජයවර්ධනපුර විශ්විද්‍යාලයේ මානවශාස්ත්‍ර හා සමාජීයවිද්‍යා පිඨයේ භාෂා, සංස්කෘතික අධ්‍යයන හා ප්‍රසාංගික කලා අධ්‍යයනාංශයේ මහාචාර්ය ප්‍රදීප් රත්නායක ද මෙහි තම සිතාරය වාදනය කළ අතර මෙම ප්‍රසංගය මහජනයාට නොමිලයේ නරඹන්නට ඉඩ පහසුකම් සපයා තිබුණි.
