ශ්‍රී ජයවර්ධනපුර විශ්වවිද්‍යාලයේ නවෝත්පාදන, නව්‍යකරණ සහ ව්‍යපාර නිර්මාණ කවුන්සිලය මඟින් ඉදිරිපත් කරන නව නිපැයුම් හා නවෝත්පාදන ප්‍රදර්ශනය 2019 අප්‍රේල් මස 2,3 වන දිනවලදී බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පැවැත්විණ. “අනාගත නවෝත්පාදක අදහස් සඳහා ආයෝජනය” යන මැයෙන් පැවැත්වුණු මෙම ප්‍රදර්ශනය සංවිධානය සිදු වූයේ විශ්ව විද්‍යාලයීය 60 වන සංවත්සරයට සමගාමීවයි. 2019 නව නිපැයුම් හා නවෝත්පාදන ප්‍රදර්ශනයෙහි ප්‍රධාන අරමුණ වූයේ කීර්තිමත් බුද්ධිමය පැතිකඩ සඳහා අන්තර් විෂය ක්ෂේත්‍ර වේදිකාවක් සැපයීමයි. විවිධ ක්ෂේත්‍රයන්හි නවෝත්පාදන සහ නව පර්යේෂණයන් සිදු කිරීම මෙන්ම වැඩි දියුණු කිරීම කෙරෙහි ශ්‍රී ජයවර්ධනපුර විශ්වවිද්‍යාලය මේ වන විට සක්‍රීය දායකත්වයක් ලබාදෙමින් සිටින අතර ඒ අනුව විවිධ ක්ෂේත්‍ර නියෝජනය කරන නවෝත්පාදන හා නව නිර්මාණ ඒකරාශි කරමින් මෙම ප්‍රදර්ශනය සංවිධානය කර තිබිණි.
අතිගරු ජනාධිපති මෛත්‍රීපාල සිරිසේන මහතාද, ශ්‍රී ජයවර්ධනපුර විශ්වවිද්‍යාලයේ උපකුලපති මහාචාර්ය සම්පත් අමරතුංග මහතාද, විද්‍යා, තාක්ෂණ, නවෝත්පාදන ක්ෂේත්‍රයේ ජාත්‍යන්තර තානාපතිවරයෙක් වන විද්‍යාජෝති බන්දුල විජේ මහතාද, පීඨාධිපතිවරුන්, අධ්‍යනාංශ ප්‍රධානීවරුන් හා ආචාර්ය මහාචාර්වරුන් ඇතුළු විශාල විද්වත් පිරිසක් මෙම අවස්ථාවට එක්ව සිටියහ.
ප්‍රදර්ශනය පිළිබඳ වැඩිදුර විස්තර සඳහා පිවිසෙන්න >>
